狗狗都會感冒?!  新手腳板仔家長要注意！

如果狗狗出現以下呢啲症狀，好大可能係佢已經患上感冒啦！

病徵包括：食慾不振、流鼻水、打噴嚏、咳嗽、眼水增多、渾身無力、沒有精神、發燒等。

唔好以為只有人類會感冒，其實狗狗都會架！雖然狗狗嘅感冒係唔會傳染比人類，但係就有機會傳染比另一隻狗狗…

家長一定要經常留意住狗狗嘅身體狀況，發現感冒時就盡早帶佢去睇醫生啦！

如何預防狗狗感冒？

1. 注意保暖

當天氣寒冷或者夏天室內開冷氣時，抵抗力較差嘅狗狗好容易會冷親，特別係短毛、體形較細隻、老弱、年幼或受傷嘅狗狗，

所以家長記得要幫狗狗做好保暖工作，例如可以喺地板上鋪一啲較厚嘅墊子或者提供寵物床同小被被喔~

2. 多曬太陽、有適度運動

當天氣好嘅時候，家長們可以多啲帶狗狗出去散步運動、曬下太陽，吸收維生素D，增強抵抗力！

3. 保持居住環境的清潔

家長要定期清潔屋企，保持通風及良好空氣質素，避免室内细菌病毒的滋生，特別係地板同床單被鋪。

由於狗狗好鐘意訓喺地板上，當家長清潔地面時就要小心有冇殘留嘅化學物質，可能會令狗狗皮膚不適，最好使用貓狗適用嘅清潔劑，或使用化學清潔劑後再用清水拖多兩三次地啦！

仲有記得狗狗嘅毛公仔同飼料碗都要定期清洗喔~

4. 均衡飲食、有足夠營養

狗狗日常生活中要食一啲營養均衡嘅食物，保持免疫力同身體健康。家長喂食時要注意食物嘅比例搭配係咪合適，避免狗狗營養唔均衡！

狗狗最重要嘅營養吸收係蛋白質，不過都要汲取其他營養例如維生素、礦物質、鐵、鈣、鋅、碳水化合物、纖維素、Omega-3等等，減低狗狗生病嘅機會。

Healthy Little Paws 設計嘅 鮮食磚 不但經過寵物營養專家同註冊營養師根據美國AAFCO及FEDIAF兩大標準配製，而且係天然絕無添加。除咗主要肉類之外，每款口味都加入咗超過十多種健康食材，例如：燈籠椒、法國菜豆，紅蘿蔔、西蘭花、藍莓、甜薯、南瓜、鷹嘴豆、魚油、奇亞籽、蛋殼粉等。

對於工作較繁忙嘅家長，鮮食磚不但方便，而且營養價值非常高，徹底攪碎混合嘅食材亦可以解決狗狗挑食嘅問題，確保狗狗有全面均衡嘅飲食！

(July 23, 2020)